Қазақстан тарихы пәні бойынша ҰБТ-ға өз бетінше қалай дайындалу керек

Тарих пәні мектепте оқытатын ең көлемді пәндердің бірі болып табылады. ҰБТ-ға дайындалу барысында Қазақстан тарихы тест бойынша тапсыру керектігін ескерген жөн, сондай-ақ ҰБТ сынама тестілеуін e-history.kz порталында өте аласыз. Тарих пәні бойынша ҰБТ-да жоғары балл жинау үшін өз бетінше дайындалуға бола ма? Әрине мүмкін, бірақ бұл үшін сізде жақсы еске сақтау қабілеті, дамыған дағдылар мен қабілеттер болуы қажет.

Тақырыптармен жұмыс жасаңыз

Егер сіз оқулықтағы алғашқы тақырыптарды оқып, меңгеруді бастаған болсаңыз, тақырыпты үш рет оқыңыз. Осыдан кейін ешқандай мәліметтерді жаттап қажеті жоқ. Парақты алыңыз немесе компьютерде Word бағдарламасын ашып, күндер, терминдер мен атаулармен карточкалар жасаңыз. Карточканы келесідей түрде дайындаңыз:

• бір жағында күнді, екінші жағында оқиғаны;
• бір жағында терминнің атауын, екінші жағында оның мағынасын;
• бір жағында тарихи тұлғаны, екінші жағында ол кім болғанын жазыңыз.

Бұл үш тұрлі карточкаларды үш қорапқа салыңыз. Әр тақырыпты меңгерген сайын олардың саны көбейе түседі. Карточкалардағы ақпаратты қайталау үшін күн сайын кем дегенде 10-20 минут уақыт бөліңіз. Әрі қарай, тақырыпта баяндалған негізгі оқиғаларды сипаттайтын плакат жасаңыз. Мұнда сізге диаграммалар мен кестелер бар кітап көмектеседі. Бұл кітаптардағы кесте немесе схемаларда берілген мәтін мен деректерді пайдаланып, плакатқа көшіріп алуыңызға болады. Материалды игеру оңайырақ болу үшін плакаттарды пәтердің әр жеріне іліп қойыңыз.

Оқыған материалды бекітіңіз

Өзіңізге ұнайтын тарих пәні бойынша тапсырмалары бар сайтты таңдаңыз және өзіңізді тексеру арқылы оқулықтағы әр тақырып бойынша тапсырмаларды орындаңыз. Бірте-бірте карточкаларды жасау арқылы терминдер, күндер, атаулар бар үлкен жинақты жинайсыз. Сіз тек алдыңғы тақырыпты ғана емес, меңгерген барлық материалды қайталап отыруыңыз қажет, әйтпесе оң нәтижелі болмайды.

Егер сіз емтиханға дайындалу үдерісін ұйымдастыра алсаңыз ғана емтиханға өз бетіңізше дайындалуға болады. Белгілі бір күн мен белгілі бір уақытқа телефонға жадынама қойыңыз. Телефоннан хабарландыру келгеннен кейін сіз бірден емтиханға дайындықты бастауыңыз керек.